Қидирувдаги шахс жамоат транспортида қўлга олинди
Ушбу шахс Жиноят кодексининг тегишли моддаларида гумонланиб, қидирувга берилган.
Тошкент шаҳри Яшнобод туманида жиноят содир этишда гумонланиб, қидирувда бўлган шахс жамоат транспортида қўлга олинди.
Маълум қилинишича, 4 сентябрь куни Тошкент шаҳар ИИББ Ягона тезкор бошқарув марказидан Яшнобод тумани Қўриқлаш хизмати навбатчилик қисмига туман ҳудудида ҳаракатланаётган жамоат транспортида Жиноят кодексининг тегишли моддалари билан қидирувда бўлган шахс борлиги ҳақида хабар келиб тушган.
Хабар асосида Қўриқлаш хизмати ходимлари томонидан тезкор чора-тадбирлар кўрилиб, қидирувдаги шахс зудлик билан қўлга олинган.
Ҳозирда ҳолат юзасидан тегишли тартибда иш олиб борилмоқда.
