Ўзбекистонда 2026 йил бошидан бери 1102 та ЙТҲ қайд этилди, 31 фоизи ўлим билан тугаган
Энг кўп ЙТҲ тезликни ошириш оқибатида содир бўлмоқда.
Ички ишлар вазирлиги маълумотларига кўра, 2026 йилнинг биринчи чораги давомида республика ҳудудида 1102 та йўл-транспорт ҳодисаси қайд этилган.
Статистикага кўра, ушбу ҳодисаларнинг 31,4 фоизи, яъни 346 таси ўлим билан якунланган. Бу кўрсаткич йўл ҳаракати хавфсизлигини таъминлаш масаласи долзарблигича қолаётганини кўрсатади.
Таҳлилларга кўра, йўл-транспорт ҳодисаларининг асосий сабаблари қуйидагилардан иборат: — 32,9 фоиз ҳолатда белгиланган тезлик меъёрларига амал қилинмаган;
— 22,4 фоиз ҳолатда светофор талабларига риоя этилмаган;
— 13,6 фоиз ҳолатда ҳайдовчилар пиёдаларга йўл бермаган;
— 4,2 фоиз ҳолатда эса ҳайдовчиларнинг рулда ухлаб қолиши қайд этилган.
