"Ланс" ва Ўзбекистон терма жамоаси ҳимоячиси Абдуқодир Ҳусанов Буюк Британия ишчи визасини олиш учун ҳужжат топширди. Бу ҳақида “Telecomasia.net” сайти хабар бермоқда.
Манба берган хабарга кўра, ўтган ҳафта 20 ёшли футболчи ва унинг вакиллари Буюк Британия визасини олиш учун зарур ҳужжатларни топширган. Ҳусанов ва унинг агентлари шу ойнинг охирига қадар Манчестерга учиб, шартнома имзолаши кутилмоқда.
Маълум бўлишича, Ўзбекистон миллий жамоаси футболчисига вакиллик қилувчи агентлик “Манчестер Сити”ни танлаган. Бунга бош мураббий Пеп Гвардиоланинг шахсан қизиқиши сабаб қилиб кўрсатилган.