Евроосиё минтақасининг стратегик тараққиёти Афғонистон муаммосининг ҳал этилишига боғлиқ. Бу ҳақда Ўзбекистон ташқи ишлар вазири в.б. Владимир Норов “РИА Новости”га берган интервьюсида маълум қилган.
Норов ушбу масаласига дунё эътибори сусайганини қайд этган. У афғон халқи гуманитар ҳалокат билан яккама якка қолган тақдирда катта фожиага сабаб бўлиши, қочқинларнинг янги оқими шаклланиши, наркотаҳдидлар кучайиши ва терроризм авж олишидан огоҳлантирган.
Дипломат Афғонистондаги вазиятнинг барқарорлашиши, мустаҳкам тинчлик ва ижтимоий-иқтисодий ривожланиш шартлари ўрнатилиши Ўзбекистон ташқи сиёсатининг устувор йўналишларидан бири эканини эслатиб ўтган.
Аввалроқ ТИВ раҳбарининг Россия ташқи ишлар вазири Сергей Лавров билан учрашгани тўғрисида хабар берилганди.