Африка ичкаридан парчаланмоқда: қитъа келажакда иккига бўлиниши мумкин
Олимлар қитъа ўртасида янги океан пайдо бўлиши мумкинлигини таъкидлашмоқда.
Магнит майдон бўйича янги тадқиқотлар Африка қитъаси ичкаридан аста-секин ажралиб бораётганини кўрсатмоқда. Daily Mail нашрига кўра, олимлар келажакда бу жараён давом этиб, қитъа ўртасидан янги океан пайдо бўлиши мумкинлигини таъкидлашмоқда.
Буюк Британиядаги Кил университети тадқиқотчилари Африка ва Арабистон плиталари орасида бошланган геологик бўлинишнинг аниқ далилларини топган. Уларнинг айтишича, бу жараён шимоли-шарқдан жанубга томон чўзилиб, сейсмик фаоллик — ер қимирлашлари билан бирга кечмоқда.
Мутахассисларнинг фикрига кўра, бўлиниш жараёни жуда секин кечади ва миллионлаб йиллар талаб этади. Тахминларга кўра, 5–10 миллион йил ичида Африка икки катта ҳудудга ажралиши мумкин: бир томонда Миср, Жазоир, Нигерия, Гана ва Намибия; бошқа томонда эса Сомали, Кения, Танзания, Мозамбик ва Эфиопиянинг катта қисми жойлашган янги геологик минтақа шаклланади.
