Афсонавий Марадона ўлимидан сўнг оқланди
Марҳум футболчи солиқ тўлашдан бўйин товлаганликда айбланган.
Аргентиналик марҳум футболчи Диего Марадона 30 йил деганда оқланди. Унга Италияда солиқ тўлашдан бўйин товлаганлик иши бўйича айблов қўйилган эди.
Футболчи адвокатининг маълумотларига кўра, олий суд марҳум футболчида солиқдан бўйин товлаш жинояти йўқлигини тан олди ва Италия солиқ органлари билан юзага келган жанжал тугатилди.
Аргентиналик футболчи тириклик вақтида ушбу айблов сабаб Италияга бир муддат кира олмаган, чунки унинг мулкларини мусодара қилиш ва ҳатто қамоқ жазоси билан таҳдид қилишган эди.
