Калифорнияда яшовчи 35 ёшли Иан Апплегате учун оддий аксириш ҳаётини бутунлай ўзгартириб юборди. Февраль ойининг бошида рафиқаси Женнифер ва тўрт ёшли ўғли Жон билан автомобилда кетаётганида, у қаттиқ аксиришни бошлади. Учинчи аксиришдан сўнг, Иан бошида кучли оғриқ, бош айланиши ва чап томонида санчиқли оғриқ ҳис қилди.
“Танамнинг бутун чап томони қотиб қолди ва мен инсультга учраганимни англадим. Оғриқ чидаб бўлмас даражада эди. Ўзимни жуда ёмон ҳис қилдим, кўнглим айний бошлади", – дея эслайди Иан.
Шошилинч равишда касалхонага ётқизилган Ианга қонни суюлтирувчи дорилар берилди. Шифокорларнинг аниқлашича, у аксириш пайтида уйқу артериясининг ички қопламини ёриб юборган, бу эса қон ивишига сабаб бўлган. Натижада мияга қон оқими тўсилган ва инсульт юзага келган.
Ҳозирда Иан реабилитация терапиясидан ўтмоқда. Унинг синглиси Ванесса эса даволаниш харажатларини қоплаш учун маблағ йиғиш кампаниясини бошлаган.