Европа Иттифоқининг монополияга қарши қўмитаси қарорига кўра, Apple тахминан 10 йил давомида дастурчиларга iОS фойдаланувчиларини App Store дўконидан ташқари муқобил ва арзонроқ мусиқа обуна хизматлари ҳақида хабардор қилишни тақиқлаб келган.
Европа Комиссияси 4 март куни эълон қилган EK пресс-релизига кўра, iОS операсион тизими фойдаланувчилари учун мусиқа стриминг хизматлари бозоридаги устун мавқеини суиистеъмол қилгани учун Апплени 1,8 миллиард евродан ортиқ жаримага тортди.
Маълумотларга кўра, Аpple'га нисбатан текширув ҳаракатлари 2019 йилда Spotify стриминг хизмати томонидан Америка компанияси устидан шикоят қилинганидан кейин бошланган.