АҚШ Фуқаролик ва иммиграция хизмати 2 декабрь куни эълон қилган меморандумга кўра, Вашингтон миллий хавфсизликка потенциал таҳдид сифатида баҳолаган 19 мамлакат фуқаролари бўйича иммиграция аризаларини кўриб чиқишни вақтинча тўхтатди.
Рўйхатга, асосан, Яқин Шарқ, Африка ва айрим Осиё мамлакатлари киритилган: Эрон, Судан, Ливия, Эритрея, Гаити, Сомали, Яман, Афғонистон, Туркманистон, Чад, Того, Сиерра-Леоне, Мянма, Лаос, Куба ва Венесуэла.
Меморандумга кўра, ушбу давлатларда туғилган ёки шу давлат фуқаролигига эга бўлган шахслар АҚШ фуқаролиги ёки яшил карта олиш учун ариза топширган тақдирда қўшимча, кучайтирилган текширувдан ўтади. Бунда улар бир ёки икки маротаба қайта суҳбатдан ўтиши, хавфсизлик бўйича кенгайтирилган текширувларга жалб қилиниши мумкин.
Шунингдек, АҚШ расмийлари ушбу мамлакатлар фуқароларига берилган илгари тасдиқланган иммиграция ҳужжатларини ҳам қайта кўриб чиқишини маълум қилди.
Ушбу чоралар “миллий хавфсизликка таҳдидларни тўлиқ баҳолаш” мақсадида жорий этилгани билдирилган.