АҚШ Эронга йирик опереация уюштирмоқчи — Reuters
Ҳарбий сценарийлар доирасида нафақат ядровий инфратузилма, балки давлат объектларига ҳам зарба берилиши эҳтимоли муҳокама қилинмоқда.
Reuters манбаларига кўра, АҚШ ҳарбийлари Эронга қарши узоқ муддатли, бир неча ҳафта давом этиши мумкин бўлган ҳарбий операцияларни ўтказиш вариантларини кўриб чиқмоқда.
Манбаларнинг таъкидлашича, мазкур операция бўйича якуний қарор Доналд Трамп томонидан қабул қилиниши мумкин. Агар тегишли буйруқ берилса, ҳарбий ҳаракатлар бошланиши эҳтимоли мавжуд.
Маълумотларга кўра, ҳозирги режалаштириш ишлари аввалги эҳтимолий зарба вариантларига нисбатан анча мураккаб ҳисобланади. Ҳарбий сценарийлар доирасида нафақат ядровий инфратузилма, балки давлат объектларига ҳам зарба берилиши эҳтимоли муҳокама қилинмоқда. Айрим манбалар Вашингтон Теҳрон томонидан эҳтимолий жавоб чораларини кутаётганини билдирган. Тахминларга кўра, қарама-қарши зарбалар маълум вақт давомида давом этиши мумкин.
Февраль ойи бошларида АҚШ ва Эрон ўртасида Уммон ҳудудида ядровий музокаралар ўтказилган. Музокаралардан сўнг АҚШ томони минтақадаги ҳарбий мавжудлигини кучайтириш чораларини кўрмоқда.
Пентагон маълумотларига кўра, минтақага қўшимча ҳарбий кучлар, жумладан ҳарбий хизматчилар, қирувчи самолётлар ҳамда бошқариладиган ракета эсминетслари юборилиши режалаштирилган. Шунингдек, минтақага қўшимча авиаташувчи кема йўналтирилгани ҳам маълум қилинган.
