АҚШ Конгресси ўз таълим тизимини танқид қилди

АҚШ Конгресси Вакиллар палатаси аъзоси Жейк Окинклосс америкалик талабалар аниқ фанлар бўйича хитойликлардан сезиларли даражада орқада қолаётганини таъкидлади.

 

Конгрессмен фикрига кўра, АҚШ ўзининг таълим тизимидаги жиддий муаммоларга эътибор қаратиши лозим: “Хитойда 1,3 миллиард киши яшайди (Хитой расмий статистик маълумотларига кўра, бу рақам 2024 йилда 1,4 миллиардни ташкил этган), ва у ерда талабалар математикадан ҳамда фанлардан америкаликлардан юқорироқ балл олмоқда. АҚШда эса 25 миллион ўқувчи ўқиш, ёзиш ва арифметикада орқада қолмоқда” ,— деди Окинклосс.

 

Шунингдек, у АҚШ ҳукуматининг хитойлик талабалар визаларини бекор қилиш қарорини ҳам танқид қилди. Унинг фикрича, бу мафкуравий хилма-хилликни сусайтиради ва илмий тараққиётга тўсиқ бўлади.

 

“Агар энг иқтидорли хитойлик талабаларни қабул қилсак, улар тадқиқотларини АҚШда олиб борадилар. Уларни Хитойга қайтариб юбориш орқали биз у ерда саратон давосини топишга ёки янги ракета тизимларини ишлаб чиқишга ҳисса қўшишларига йўл очамиз”, — дея огоҳлантирди Конгресс аъзоси.

 

Бу баёнот Хитой томонидан ҳам эътиборсиз қолмади. Хитой Ташқи ишлар вазирлиги вакили Мао Нинг АҚШни бундай визавий чекловлар орқали мафкуравий босим ўтказишда айблади ва расмий норозилик билдирди. У бу чораларни “асоссиз ва миллий хавфсизлик билан боғлиқ бўлмаган” деб атади.