АҚШ Ливанни қаттиқ огоҳлантирди
Вашингтон Ливандан ҲАМАС-Исроил урушига аралашмасликни сўраган.
АҚШ Давлат котиби Энтони Блинкен агар Ливан Исроил ва ҲАМАС ўртасидаги урушга аралашса, зарар кўриши ҳақида огоҳлантирди. Бу ҳақда АҚШ Давлат департаменти спикери Метю Миллер маълум қилди.
Унинг таъкидлашича, Блинкен Ливан муваққат бош вазири Нажиб Микати билан АҚШ Ливан халқини қўллаб-қувватлашини яна бир бор тасдиқлаш учун гаплашган ва Ливан жанубий чегарасида кескинлик кучайиб бораётганидан хавотир билдирган.
Блинкен можарода фожиали тарзда ҳалок бўлган ливанлик тинч фуқароларнинг оила аъзоларига ҳамдардлик билдирди ҳамда Ливан барқарорлиги ва ҳудудий яхлитлигининг ягона қонуний кафолати бўлган мамлакат қуролли кучлари ва ички хавфсизлик кучларини Қўшма Штатлар қўллаётганини эслатиб ўтди.
