Бахтиёр Саидов Лукашенко билан учрашди
Учрашув Минск шаҳрида бўлиб ўтган.
Бугун, 11 апрель куни Ўзбекистон Республикаси ташқи ишлар вазири Бахтиёр Саидов Беларус Президенти Александр Лукашенко билан учрашув ўтказди.
"Минскда Беларус Президенти Александр Лукашенко Жаноби Олийлари томонидан қабул қилинганимиздан мамнунмиз. Беларус раҳбарига Ўзбекистон Президенти Шавкат Мирзиёев Жаноби Олийларининг самимий саломларини етказдик. Дўстлик ва ўзаро ҳурматга асосланган ҳамкорлигимиз кун тартибининг барча жабҳаларида жадал ривожланиб бормоқда. Ўзбекистон ва Беларус ташқи ишлар вазирликлари олий даражада эришилган келишувларни амалга ошириш учун барча имкониятларини ишга солади", деб ёзди вазир ўзининг ижтимоий тармоқдаги саҳифасида.
