Украина қуролли кучларига кассетали ўқ-дориларнинг берилиши Америка учун ёмон якунланади, деб ёзди АҚШ Конгресси Вакиллар палатаси аъзоси, депутат Маржори Тейлор Грин.
«Украинага хавфли кассетали ўқ-дориларни юбориш Қўшма Штатлар томонидан урушнинг кучайиши бўлиб, охир-оқибатда бизни ядро қуролига эга Россия билан исталмаган урушга жалб қилиш орқали Америка халқи ва миллий хавфсизлик манфаатларимизга таҳдид солиши мумкин», — деди у.
Конгрессменга кўра, АҚШнинг роли бу можарога барҳам бериш ва тинчлик музокаралари олиб боришдан иборат бўлиши керак.
Эслатиб ўтамиз, икки кун олдин Пентагон Украинага кассетали артиллерия снарядларини ўз ичига олган янги ҳарбий ёрдам пакетини эълон қилган эди. Булар халқаро конвенция томонидан тақиқланган кассетали ўқ-дорилардир. Уни 123 давлат ратификация қилган, аммо АҚШ, Россия ва Украина улар орасида эмас.