Бензема “Эл-Классико”ни ўтказиб юбориши мумкин
Франциялик футболчи “Барселона”га қарши ўйин олдидан машғулотларда қатнашмади.
Мадриднинг “Реал” клуби ҳужумчиси Карим Бензема “Барселона”га қарши 29-тур ўйини олдидан жамоавий йиғинни ўтказиб юборди. Бу ҳақда журналист Хосе Луис Санчес ўзининг Twitter саҳифасида маълум қилди.
Манбанинг хабарига кўра, франциялик ҳужумчи ҳали ҳам мушакларида ноқулайлик ҳис қилмоқда. Бенземанинг Каталония клуби билан ўйинда иштирок этиши ҳамон сўроқ остида.
Испания чемпионатининг 2021-2022 йилги мавсуми 29-туридан ўрин олган “Реал Мадрид” – “Барселона” учрашуви эртага, Мадриддаги “Сантяго Бернабеу” стадионида бўлиб ўтади. Мадриднинг Реал клуби 28 ўйинда 66 очко жамғариб, Испания чемпионати турнир жадвалида 1-ўринни эгаллаб турибди. “Барселона” эса 51 очко билан 3-ўринда бормоқда.
Аввалроқ, тиниб-тинчимас парижликлар Бенземани қўлга киритмоқчи эканлиги ва Гаред Бейлнинг жисмоний ҳолати ҳақида хабар берилганди.
