Бокс. Абдумалик рақибига имконият қолдирмади
Сербиянинг Белград шаҳрида бокс бўйича жаҳон чемпионатининг бешинчи кунги баҳслари давом этмоқда.
Бугун ҳамюртларимиз Мадиёр Саидраҳимов ҳамда Шаҳобиддин Зоиров мусобақадаги илк жангида ғалабани қўлга киритган эди.
Бироз аввал яна бир боксчимиз Абдумалик Ҳалаков македониялик Жасин Лямага билан баҳс олиб борди. Кескин ва муросасиз кечган жангда Абдумалик кейинги босқич йўлланмасига эга бўлди.
Эслатиб ўтамиз, бугун жаҳон чемпионатида Олимпияда ва жаҳон чемпионати кумуш медали соҳиби Шаҳрам Ғиёсов ҳам ўз чиқишларини бошлайди.
Аввалроқ Мадиёр Саидраҳимов илк ғалабасини қўлга киртгани ва Шаҳобиддин Зоиров кейинги босқичга йўл олгани ҳақида хабар берилган эди.
Жамшидбек Амиров
