Бокс. Жаҳон чемпионатининг соврин жамғармаси маълум бўлди
Халқаро бокс федерацияси (AIBA) шу йилнинг октябрь ойида ўтказиладиган катталар ўртасидаги жаҳон чемпионатининг мукофот жамғармасини эълон қилди.
Хабарларга кўра, ташкилот жаҳон чемпионатининг соврин жамғармаси учун 2,6 миллион доллар ажратган. Унга кўра мусобақа совриндорлари қуйидагича пул мукофотларига эга бўлишади:
Олтин медаль: 100 минг АҚШ доллари
Кумуш медаль: 50 минг АҚШ доллари
Бронза медаль: 25 минг АҚШ доллари.
Эслатиб ўтамиз, жаҳон чемпионати 26 октябрь - 6 ноябрь кунлари Сербиянинг Белград шаҳрида ўтказилади. Унда ўзбекистонлик боксчилар ҳам иштирок этади.
Aввалроқ Олимпия ва Паралимпия ўйинлари совриндорларига Самарқанддан уй совға қилингани ҳақида хабар берган эдик.
Жамшидбек Амиров
