Будапештдан Ўзбекистон шаҳарларига парвозлар йўлга қўйилиши режалаштирмоқда
Хива шаҳрида "Марказий Осиё жаҳон цивилизациялари чорраҳасида" халқаро маданий форуми доирасида ўтказилган Турксой давлатлари Маданият вазирлари Доимий Кенгашининг 38-йиғилиши доирасида Ўзбекистон бош вазири ўринбосари Азиз Абдуҳакимовнинг Венгрия ташқи иқтисодий алоқалар ва ташқи ишлар вазири Петер Сиярто билан учрашди.
Туризм ва спорт вазирлиги ахборот хизмати раҳбарининг қайд этишича, учрашувда сайёҳлар алмашинувини қайта тиклаш ҳамда Ўзбекистон ва Венгрия ўртасида сайёҳлар оқимини сезиларли даражада ошириш бўйича чора-тадбирларни қабул қилиш асосий масалаларидан бири бўлди. Шу муносабат билан томонлар "WizzAir" авиакомпанияси томонидан "Будапешт — Самарқанд" тўғридан-тўғри рейсларини йўлга қўйиш масаласини ҳам муҳокама қилинди.
Венгрия ташқи ишлар вазири Будапештдан Ўзбекистоннинг Самарқанд, Тошкент ва Бухоро каби йирик шаҳарларига тўғридан-тўғри рейслар амалга оширилишига қизиқиш билдирди. Шу билан бирга, Ўзбекистон аэропортларида хизмат кўрсатиш шартларини таъминлашда ва авиақатновларга оид битим имзоланишида кўмакка умид билдирди.
Ўзбекистон томони яқин вақт ичида Венгрия авиаташувчисига ушбу рейсни ишга тушириш учун энг қулай шарт-шароитларни яратиш ва уни ҳар томонлама қўллаб-қувватлашга тайёр эканлигини тасдиқлади.
Маълумот учун, икки мамлакатнинг илм-фан соҳаси вакиллари ва тадқиқотчилари ўртасида ҳам яқин ҳамкорлик алоқалари йўлга қўйилган. Масалан, Лоранда Эотвош номидаги Будапешт университети профессори, Шарқшунослик институти директори Бенедек Перри билан биргаликда Венгрия Фанлар Академияси кутубхонасида сақланаётган Ўзбекистон маданий меросини ўрганиш лойиҳаси амалга оширилмоқда.
Ҳозирда Пери Ф. Навоийнинг "Маҳбуб-ул қулуб" асарини инглиз тилига, «Бобурнома» асарини эса венгер тилига таржима қилмоқда.
Аввалроқ Туризм ва спорт вазири Азиз Абдуҳакимов Токиода Япониянинг маданият масалалари бўйича вакили Сунъичи Токура билан учрашгани ҳақида хабар берилганди.
