Азиз Абдуҳакимов Япония маданият масалалари вакили билан учрашди
Ўзбекистон Республикаси Туризм ва спорт вазири Азиз Абдуҳакимов Токиода Япониянинг маданият масалалари бўйича вакили Сунъичи Токура билан учрашди.
Учрашув бошида Япония томони Ўзбекистонга икки томонлама маданий-гуманитар ҳамкорлик ривожига бераётган эътибори учун миннатдорчилик билдирди. 2022 йилда Япония ва Ўзбекистон ўртасида дипломатик муносабатлар ўрнатилганига 30 йил тўлади. Шу муносабат билан икки давлат маданият, адабиёт ва ижодий жамоаларининг ўзаро ташрифларини ташкил қилиш режалаштирилмоқда.
Шунингдек, Япония вакиллари сентябрда Хивада бўлиб ўтадиган “Марказий Осиё цивилизациялар чорраҳасида” номли маданий форумига ва октябрда Тошкентда бўлиб ўтадиган “Ипак йўли дурдонаси” халқаро кинофестивалига таклиф қилинди.
