Чехия ва Словакия раҳбарлари Украинага келди
Улар Киевни охиригача қўллашларини билдиришган.
Украина раҳбари Владимир Зеленский мамлакатга ташриф буюрган Чехия ва Словакия президентлари билан учрашди.
Музокаралар чоғида Зеленский Чехия ҳукуматига Россиянинг кенг кўламли босқинининг биринчи кунлариданоқ Украинани ҳар томонлама қўллаб-қувватлагани учун миннатдорчилик билдирди.
Ўз навбатида, Чехия президенти Украинани қўллаб-қувватлашини ҳамда ўз мустақиллиги учун курашаётган украиналикларнинг қатъияти ва жасоратига қойил қолишини билдирди.
Словакия президенти Зузана Чапутова билан учрашувда Зеленский ўз мамлакатига Украинага гуманитар ва мудофаа ёрдами учун раҳмат айтди.
“Мамлакатингизда вақтинча бўлган украиналикларни қўллаб-қувватлаганингиз учун ташаккур. Шунингдек, армиямизни жанг майдонида қудратли қўллаб-қувватлаганингиз учун сизга раҳмат айтаман”, — деди Киев раҳбари.
