Маълум қилинишича, Чирчиқда 31 ёшли эркак 6 ойдан буён бирга яшамаётган аёли ишлаётган "Ҳот-дог" шохобчасига келиб, жанжал кўтарган. Оқибатда 3 кишига тан жароҳати етказган.
Аниқланишича, эркак аёли, қайнопаси ва унинг дугонасига пичоқ билан тан жароҳати етказган. Опаси синглисини унинг эридан ҳимоя қилмоқчи бўлган. Бироқ пичоқ санчилиши сабаб ўзи ва унинг вужудидаги гўдаги вафот этган.
Суд мажлисида аёл турмуш ўртоғига умрбод қамоқ жазоси беришини сўради.
Суд ҳукмига кўра, тайинланган енгилроқ жазони оғирроқ билан қоплаш йўли билан эркакка нисбатан 24 йил муддатга озодликдан маҳрум қилиш жазоси тайинланди.