Диего Симеоненинг отаси 80 ёшида вафот этди
Бу ҳақда “Атлетико” клуби матбуот хизмати хабар берди.
Мадриднинг “Атлетико” клуби бош мураббийи Диего Симеоне отасидан айрилди. Бу ҳақда испан клуби матбуот хизмати хабар берди. Мураббийнинг отаси Карлос Симеоне 80 ёшида вафот этган.
Аргентиналик мутахассис 2011 йилдан буён Мадриднинг “Атлетико” клубини бошқариб келмоқда. Бу вақт ичида у Испания чемпионатида икки бор чемпионликни қўлга киритди. Бир мартада мамлакат кубоги ва суперкубоги соҳибига айланди.
Шунингдек, “матрасчилар” икки марта Европа Лигаси (2011/2012, 2017/2018 йиллар) ва UEFА Суперкубоги (2012, 2018) ғолиби бўлган.
Жорий мавсумда “Атлетико Мадрид” 29 учрашувда 54 очко тўплаган ҳолда Испания чемпионатининг турнир жадвалида 4-ўринда бормоқда.
Аввалроқ, Симeненинг ўғли “Атлетико” билан шартномасини узайтиргани ҳақида хабар берилганди.
Жамшидбек Амиров
