Доллар яна “бўй чўзиш”ни бошлади
Жорий йилнинг декабрь ойи АҚШ валютасининг ўсиши билан эсда қоладиган бўлди.
Хабарингиз бор, доллар курси 10 850 сўмга кўтарилган эди. Икки кунлик “мувозанат”дан сўнг АҚШ пули яна ўсишни бошлади.
Бу сафар мазкур суммага яна +10 қўшилди ва оқибатда курс 10 860 сўмга етди.
Эндиликда фуқаролар “Қишлоқ қурилиш банк”(ҚҚБ), “Халқ банки”, “Ипотека-банк” ҳамда "Ўзсаноатқурилишбанк" офисларидан АҚШ долларини 10 860 сўмдан сотиб олишлари мумкин.
Мазкур хориж пулини “майдалаш” ҳам қисман ошган. Масалан, "Ўзсаноатқурилишбанк" офисида 10 800 сўмдан доллар сотиб олаётган бўлса, ҚҚБ нисбатан 10 сўм арзон, 10 790 сўмдан сотиб олишни таклиф қилмоқда. Халқ банки эса бу хизмат учун 10 750 сўм бермоқчи.
“Банкомат”лар орқали сотиш ва сотиб олишларда ҳам тафовут бор.
"Ўзсаноатқурилишбанк" “банкомат”лари валютани 10 600 сўмдан сотиб олаётган бўлса, 10 850 сўмдан сотмоқда. “ҚҚБ” эса АТМ хотирасига 10 860 сўм қийматини мухлаган.
“Ипотека-банк” банкоматлари бошқаларга қараганда юқорироқ қийматда сотиб олишни таклиф қилмоқда(10 800 сўм). Сотиши эса офисидаги сумма билан бир хил.
Хуллас, АҚШ доллари ўсишда давом этмоқда.
Аввалроқ курс юқорилаган ўрнида мустаҳкам "жойлашиб олгани" ҳақида хабар берилганди.
Оламгир Абдиев
