Исроилнинг Ғазо секторига уюштирган ҳужуми натижасида ҳалок бўлган фаластинликлар сони 27 585 нафарга етди. Бу ҳақда 6 февраль куни Ғазо секторидаги Фаластин соғлиқни сақлаш вазирлиги баёнотида айтилади.
Ҳисоботга кўра, сўнгги 24 соат ичида анклавнинг яна 107 нафар аҳолиси Исроил ҳужумлари қурбонига айланган, 143 киши жароҳатланган.
Бошқарманинг қайд этишича, тиббиёт гуруҳлари ва фуқаролик мудофааси ходимлари Исроил ҳарбийларининг тўсиқлари туфайли ҳалок бўлганлар ва ярадорларга етиб бора олмаяпти.