Германиянинг Федерал разведка хизмати (BND) йиллар давомида АҚШнинг ўша пайтдаги президенти Барак Обамани (2009-2017) тинглаб келган. Бу ҳақда Германиянинг Dei Zeit газетаси хабар қилди.
Нашр олиб борган текширувларга кўра, Германия ташқи разведкаси АҚШ сиёсатчисининг суҳбатларини у ҳукумат самолёти Air Force One бортида телефон орқали гаплашган пайтдаги суҳбатларда кузатув остига олинган. Самолёт бортида алоқани шифрлаш етарлича ҳимояланмагани сабабли BND музокараларга тинглашга муваффақ бўлган.
BND АҚШ президентининг суҳбатларини тутиб қолишга муваффақ бўлган, чунки инсайдерлар маълумотига кўра, самолётдаги алоқа тизимининг шифрланиши хатоларга моил бўлган. АҚШ ҳукумат самолёти техниклари Обаманинг телефон суҳбатлари учун ўнлаб частоталардан фойдаланган, частоталарни Германия разведкаси билган бу эса уларни мунтазам кузатиш имконини берган.
Оммавий ахборот воситалари “биринчи рақамли борт”даги алоқа каналлари айнан қачондан бошлаб заифлашгани номаълумлигини қайд этди. Бу ҳолат Обамадан олдинги президент кичик Жорж Буш даврида юзага келган бўлиши мумкин. 2014 йилда эса телефон суҳбатларини тинглаш тўхтатилган. Германия разведкаси АҚШ давлат котиби Ҳиллари Клинтоннинг телефон суҳбатларини ҳам эшитиши мумкинлиги маълум бўлгач, Германия канцлери идораси бундай амалиётларни тўхтатиш бўйича кўрсатма берган.
“Обама президентлиги даврида Германия АҚШ томонидан кузатишга рухсат берилган давлатлар рўйхатига кирмаган”, — деб ёзади Die Zeit.
Бошқача айтганда, ўша пайтда Германия канцлери лавозимини эгаллаган Ангела Меркел, эҳтимол, разведка идорасининг ҳаракатларидан бехабар бўлган. Шу сабабли Обама суҳбатларининг стенограммалари ягона нусхаларда чоп этилган, уларга фақат разведка хизматининг сайланган раҳбарлари кириш ҳуқуқига эга бўлган. Суҳбат матни ўқилганидан кейин бундай ҳужжатлар йўқ қилинган.
Шу билан бирга, тинглаш жараёнида олинган маълумотлар АҚШ позициясига доир таҳлилий материалларга киритилиб, канцлер идорасига юборилган. Воқеанинг нозик томони шундаки, Меркелнинг ўзи ўша даврда АҚШ разведкасини унинг мобил телефони тинглаши билан боғлиқ можаро туфайли танқид қилган. ОАВ камида 2012 йилдан 2014 йилгача АҚШ Миллий хавфсизлик агентлиги Германия, Швеция, Норвегия ва Франциядаги етакчи сиёсатчилар ва юқори мартабали амалдорлар, жумладан, Германия канцлери ортидан жосуслик қилгани ҳақида ёзган. Баъзи маълумотларга кўра, бу суҳбатларни тинглашда Дания махсус хизматлари ёрдам берган.
Жанжал фонида Меркел “дўстларни кузатишни қабул қилиб бўлмайди”, деган машҳур баёнот билан чиққан. У, шунингдек, давлатлар “кузатув васвасаси остида қулаб тушиши мумкинлиги”ни таъкидлаб, содир бўлган воқеалар билан ГДР даврида “Штази” махфий полицияси олиб борган кузатувлар ўртасида ўхшашликлар мавжудлигини қайд этган, дея эслатади Die Zeit.