Гватемала Президенти Алехандро Гиамматтеи делегациясига ўқотар қуроллар билан ҳужум қилинди. Бу ҳақда “Radio Sonora” нашри хабар бермоқда.
Қайд этилишича, кортеж Мексика билан чегара яқинида ўққа тутилган. Ҳодиса оқибатида сиёсатчи жабрланмаган.
Ҳозирда ҳужумчилар қўлга олиниб, суиқасд сабаблари ўрганилмоқда. Маълум бўлишича, суиқасд уюштирганларнинг барчаси Гватемала фуқаролари.
Эслатиб ўтамиз, 66 ёшли Гиамматтеи 2020 йил январидан бери президентлик қилмоқда. Аввалроқ у Украинани қўллаб-қувватлашини билдирган эди.