Сербия президенти Вучич Россия газ қувуридаги портлашлар билан боғлиқ вазиятга изоҳ берди.
Унинг фикрича, дунёда буни ким қилганини билмайдиган сиёсатчи йўқ, лекин ҳамма ўзидан “жинни” ясаб олган.
“Мамлакатимиз манфаатларига зиён етказмаслик учун жим турибмиз. Лекин нима қилиш керак, бу иккиюзламачилик ҳамма жойда”, — дейди Вучич.
Эслатиб ўтамиз, ҳужумлар 26 сентябрь куни бирданига Россиянинг Европага экспорт қилувчи иккита газ қувури — “Шимолий оқим” ва “Шимолий оқим — 2”га уюштирилганди.