Илон Маск Twitter'нинг янги директорини таништирди
У 6 ҳафта ичида ўз вазифасига киришади.
"NBC Universal"нинг собиқ савдо директори Линда Яккарино Твиттерънинг янги бош директори бўлди. Бу ҳақда Илон Маск ижтимоий тармоқдаги саҳифасида маълум қилди.
"Мен Линда Яккаринони Твиттерънинг янги бош директори сифатида кутиб олганимдан хурсандман", — деб ёзди Маск.
Компания эгасининг таъкидлашича, дастлабки босқичларда Яккарино бизнес операцияларига эътибор қаратса, Маскнинг ўзи эса маҳсулот дизайни ва янги технологиялар билан шуғулланади.
Эслатиб ўтамиз, 11 май куни Маск олти ҳафта ичида ўз лавозимини тарк этишини маълум қилганди.
