Исроиллик эркак 40 йилдан бери бирга яшамаётган аёлига энг майда танга - 10 агор (327 сўм) васият қолдирди.
Марҳум эрининг қароридан дарғазаб бўлган аёл судга мурожаат қилди. Гап шундаки, 1950 йилда оила қурган жуфтлик 23 йил бирга яшаган, аммо сўнгги 40 йил алоҳида яшаган. Шунга қарамай, эркак аёлига мунтазам пул юбориб турган. Аммо ўлимидан сўнг у хотинига 10 агор мерос қолдирган.
Аёл судга ариза қилиб эрининг мол-мулкига ҳаққи борлигини исботлашга уринди. Суд жуфтлик расман ажрашмаган бўлсада, уларнинг ҳаёт тарзини биргаликда мол-мулк ортиришга кирмаслигини айтиб, аёлнинг аризасини қониқтирмади.
Шундай қилиб, мерос илинжидаги аёл нафақат мероссиз қолди, балки суд харажатлари учун 35 000 шекель (қарийб 115 млн сўм)га тушди.