Жиззахда фуқаро криптовалюта сабаб машинасидан айрилди
У ноқонуний операция сабаб жаримага тортилган. Жарима тўланмагач, унга тегишли машина МИБ орқали хатланган.
Крипто-активлар билан шуғулланиш фақат қонун талабларига мувофиқ амалга оширилиши лозим. Қонунга хилоф операциялар эса молиявий жазо ва мол-мулкнинг хатланишига олиб келади.
Жиноят ишлари бўйича Жиззах шаҳар суди ҳукмига кўра, Ўзбекистон Республикаси ЖК 278⁸-моддаси 2-қисми “б” банди билан судланган Х.Қ.га 18,7 млн сўм жарима тайинланган.
Жаримани ундириш жараёнида унга тегишли Nexia-3 автотранспорт воситаси аниқланган. Автомашина яшаш манзилидан топилмагани сабабли қидирувга берилди.
Қидирув тадбирлари давомида автотранспорт ижара асосида таксичиликда фойдаланилаётгани маълум бўлиб, у жарима майдончасига жойлаштирилган.
