Россия ва Европа халқлари ўртасида ажралиш бўлмаслиги керак. Бу ҳақда ЕИ бош дипломати Жозеп Боррель маълум қилди.
“Мен якдилликка эришиш устида ишлайман. Биз одамлар ўртасида, Россия жамияти ва Европа халқлари ўртасида ажралиш юз беришига йўл қўя олмаймиз”, – деган у ЕИ ташқи ишлар вазирларининг норасмий учрашуви олдидан.
Бугун Европа ТИВ раҳбарлари Чехияда йиғилади. Унда Россия фуқароларига виза чекловларини ўрнатиш масаласи кўриб чиқилади. Аммо Евроиттифоқ давлатларида бу бўйича якдил позиция мавжуд эмас.
Масалан, Болтиқ давлатлари, Польша, Дания каби давлатлар чекловлар ўрнатилиши тарафдори. Аммо Франция, Германия, Люксембург ва Бельгия қатъий чекловлар ўрнатишга қаршилиги маълум қилинган.
Аввалроқ Финляндия россияликларга виза беришни қисқартирганди.