Канаданинг шарқий ҳудудлари, хусусан Онтарио ва Квебек провинцияларида кучли музли бўрон содир бўлиб, 300 мингдан ортиқ аҳоли электр таъминотисиз қолган. Ҳйдро Оне компаниясининг маълумотига кўра, музларнинг оғирлиги сабаб дарахтларнинг шохлари синиб, электр симларига зарар етказган, натижада минглаб уй хўжаликлари чироқсиз қолган.
Канаданинг атроф-муҳит бўйича бошқармаси Энвиронмент Санада томонидан қаттиқ совуқ ва музли ёмғир бўйича огоҳлантиришлар берилган. Муз ва қор аралаш ёғингарчилик баъзи ҳудудларда давом этиши кутилмоқда. Марказий Онтариода сув тошқинлари хавфи ҳам мавжуд.
Онтарио провинциясининг Ориллиа шаҳрида маҳаллий инфратузилмага етказилган зарар туфайли фавқулодда ҳолат эълон қилинган. Шаҳарнинг расмий веб-сайтида эълон қилинган баёнотга кўра, кучли совуқ, электр узилишлари, қулаб тушган дарахтлар ва йўллардаги хавфли шароитлар сабаб аҳолига эҳтиёткорлик чораларини кўриш тавсия этилган.
Электр энергиясини тиклаш бўйича ишлар давом этмоқда. Алестра компанияси маълумотларига кўра, айниқса Торонто шимолидаги Баррие шаҳрида электр таъминоти узилишларининг олдини олиш жуда қийин бўлмоқда, чунки муз электр симлари ва устунларига ёпишиб, тиклаш ишларини секинлаштирмоқда. Шунга қарамай, барча мавжуд ресурслар сафарбар қилинган.
Ижтимоий тармоқ фойдаланувчилари йўлларнинг ёпилиши ва қулаб тушган дарахтлар ҳақида хабарлар бермоқда. Синоптикларнинг прогнозларига кўра, бўроннинг таъсири 1 апрелгача давом этиши мумкин.
