Шимолий Корея қаттиқ ёқилғида ишлайдиган қитъалараро баллистик ракетаси «Хвасон-18»нинг илк синовларини ўтказди.
Ким Чен Ин мамлакатнинг қарши ҳужумга тайёрлигини оширишини, Шимолий Кореянинг стратегик тўхтатувчи кучларини қайта қуришини ва Корея ярим оролидаги вазиятни кескинлаштираётган душманларига жавоб қайтаришни ваъда қилди.
КХДРнинг Давлат ишлари бўйича раиси Ким Чен Ин биринчи синовни шахсан назорат қилди. Учириш маросимида Ким Чен Иннинг Ким Жу Аэ исмли қизи, унинг рафиқаси Ли Сол Жу ва синглиси Ким Ё Чжон ҳам иштирок этди.
Қайд этилишича, учирилиш чоғида атрофдаги мамлакатлар хавфсизлиги инобатга олинган, ракетанинг иккинчи ва учинчи оёқлари “кечиктирилган ажратиш” усули ёрдамида баланд бурчак остида учаётганда ажратилган. Синов учирилиши янги стратегик қурол тизимининг ҳарбий соҳадаги самарадорлигини баҳолаш учун мўлжалланган.