Кулеба Ҳиндистон бош вазирига мурожаат қилди
ТИВ раҳбари Украинадаги вазиятни тартибга солишда ёрдам сўраган.
Украина ташқи ишлар вазири Дмитрий Кулеба Ҳиндистон бош вазири Нарендра Моди Украина можаросини ҳал қилишга ёрдам бериши мумкинлигини айтди.
"Ҳиндистон жаҳон саҳнасида жуда муҳим ўйинчи ва Бош вазир Моди ўз овози билан кўп нарсани ўзгартириши мумкин. Умид қиламизки, яқин ҳафталарда парда ортидаги дипломатия фаолроқ бўлади ", — деди Кулеба.
Душанба куни Ҳиндистон ташқи ишлар вазири Субраманям Жайшанкар матбуот анжуманида Ню-Деҳли можарони ҳал қилиш бўйича Россия ва Украина ўртасидаги музокаралар шартларини белгилаш ниятида эмаслигини, улар манфаатдорлар томонидан таклиф қилиниши кераклигини айтди.
Маълумот учун: сентябрь ойида Ўзбекистонда бўлиб ўтган Шанхай ҳамкорлик ташкилоти саммити арафасида Моди Россия президенти Владимир Путин билан учрашувда “бугунги давр урушлар даври эмас”, деган эди.
