Бугун, 18 декабрь куни КХДР Япон денгизи томонга иккита баллистик ракета учирди. Бу ҳақда Япония қирғоқ қўриқлаш хизмати маълум қилди.
Ракеталар 25 дақиқа интервал билан учирилган. Уларнинг ҳар иккиси ҳам денгизга қулагани айтилмоқда.
Япон қўриқлаш кемалари минтақада бўлиб турган кемалар ракета қолдиқларини кўрган тақдирда дарҳол расмийлар билан боғланишни сўраган.
Бош вазир Фумио Кисида девонхонаси қошида маълумотларни тўплаш ва таҳлил қилиш штаби иш бошлаган. Япония мудофаа вазирлиги ҳам ҳодисани ўрганмоқда.