Ўзбекистон Республикаси Президенти томонидан Олий Мажлис Сенатига Марказий банк бошқаруви раиси Мамаризо Нурмуратовни эгаллаб турган лавозимидан озод этиш тўғрисида тақдимнома киритилди. Бу ҳақида Президент матбуот котиби Шерзод Асадов маълум қилди.
Нурмуратов Мамаризо Бердимуратович 1960 йилда Самарқанд вилоятида туғилган. 1982 йилда Ленинград иқтисодиёт ва молия институтини иқтисодчи мутахассислиги бўйича тамомлаган. Банк тизимида 17 йиллик тажрибага эга. 2017 йилдан буён Ўзбекистон Республикаси Марказий банки Раиси лавозимида ишлаб келмоқда.