Маск Конгрессга сайловда республикачиларга овоз беришга чақирди
Оралиқ сайловлар эртага ўтказилади.
Twitter’нинг янги эгаси Илон Маск Конгрессга оралиқ сайловларда Республикачилар партиясига овоз беришга чақирди. Бу ҳақда миллиардер ижтимоий тармоқдаги саҳифасида маълум қилган.
“Ҳокимият бўлиниши ҳар икки партиянинг энг салбий жиҳатларини тийиб туради, Президент маҳкамаси демократлар қўлида эканини ҳисобга олиб, мен Конгрессда республикачиларга овоз беришга чақираман”, — деб қайд этган у.
АҚШ Конгрессига оралиқ сайловлар 8 ноябрда ўтказилади. Унда Вакиллар палатаси тўлиқ ва Сенат аъзоларининг учдан бири сайланади. Сўнгги прогнозларга кўра, ҳар икки палата Республикачилар қўлига ўтиши тахмин қилинмоқда.
