Америкалик бизнесмен Илон Маск яна Tesla акцияларининг бир қисмини умумий қиймати қарийб 4 миллиард долларга сотди. Бу ҳақда “The Wall Street Journal” хабар берди.
Қайд этилишича, Маск Twitter’ни сотиб олганидан кейин бир ҳафта ўтгач, Tesla’нинг 3,95 миллиард долларлик 19,5 миллион дона акциясини сотган. Инвесторларнинг айтишича, у Twitter’ни сотиб олганидан кейин электромобил бизнесига етарлича эътибор бермаяпти.
Аввалроқ Илон Маскнинг бойлиги Tesla акциялари қийматининг пасайиши туфайли 200 миллиард доллардан камайгани хабар қилинганди. У Twitter’ни сотиб олишини эълон қилганидан бери 70 миллиард доллар йўқотган.