Португалиялик олимлар маймунчечак вирусининг мутация тезлигини ўлчашди, деб хабар бермоқда “Medical Xpress” тиббий ахборот портали.
Тадқиқотчилар вируснинг генетик тадқиқотини ўтказдилар, унинг намуналари 15 нафар бемордан олинди. Улар вирус кутилганидан 6-12 баравар юқори мутацияга учраганини аниқлади. Бу касаллик тез тарқалишидан далолат беради.
Қайд этилишича, аввалги тадқиқотларда маймунчечакка ўхшаш вируслар, одатда, йилига бир ёки икки марта мутацияга учраган.
Маймунчечак одамдан одамга очиқ жароҳатлар, яқин алоқа ва тана суюқликлари ёки ҳаво томчилари орқали юқиши мумкин.