McDonald’s Россияга қайтди
Июнь ойининг охирига келиб 200 га яқин ресторан очилади.
Россияда уч ойлик танаффусдан сўнг собиқ McDonald’s фаст-фуд ресторанлари яна ишлай бошлади.
13 июнь куни яна 50 та филиал очилади, июн ойининг охирига келиб 200 га яқин, кейин ҳафтасига 50 дан 100 тагача ресторан очилади, деди тармоқ бош директори Олег Пароев Пушкинская майдонидаги рестораннинг очилиш маросимида.
У яқин 5-6 йил ичида ресторанлар тармоғи 850 тадан 1000 тагача кенгайиши мумкинлигини таъкидлади.
МcДоналдъс бошқа кўплаб хорижий компаниялар сингари Россиянинг Украинага бостириб киришидан сўнг, Россия бозорида иш тўхтатилганини эълон қилди. Аммо ходимларга маош тўлашда давом этди. Май ойи ўрталарида McDonald’s Россияни тарк этишга қарор қилгани маълум бўлди.
