Жорий йилнинг 21 ноябрь куни Таиланднинг Пак Крет шаҳрида бўлиб ўтадиган “Дунё гўзали” танловида тарихда илк бор фаластинлик модель Надин Аюб иштирок этади.
Надин Аюб 2022 йилда “Miss Falastin” тожини қўлга киритган ва ўша йили “Miss Earth” танловида кучли бешликка кирган ва ўз мамлакатининг танловдаги биринчи вакилига айланган.
Надин Аюб Фаластинда давом этаётган гуманитар инқироз туфайли халқаро мусобақалардаги иштирокини қолдирганини айтди.
“Тарихда илк бор Фаластиннинг бу танловда иштирок этиши мен учун катта шараф. Ғазо секторидаги халқим оғир кунларни бошдан кечираётган бир вақтда мен сукут сақлашни истамайдиган халқнинг овозини олиб чиқаман. Мен дунё кўриши керак бўлган қудратга эга ҳар бир фаластинлик аёл ва бола номидан сўзлайман”, деб ёзди модель ўз саҳифасида.
Маълумот учун, Надине Аюб - малакали овқатланиш мутахассиси, шунингдек, адабиёт ва психология бўйича илмий даражаларга эга. У аёлларни қўллаб-қувватлайдиган хайрия платформаси асосчиси.
Аюб, шунингдек, аёлларни рақамли медиа ва барқарор тадбиркорлик кўникмаларига ўргатувчи Olive Green академиясига асос солган.