Озарбайжон Республикасида давлат ташрифи билан бўлиб турган Ўзбекистон Республикаси Президенти Шавкат Мирзиёев рафиқаси Зироатхон Мирзиёев билан “Шаҳидлар” хиёбонини зиёрат қилди.
Олий мартабали меҳмон шарафига фахрий қоровул саф тортди. Президент Шавкат Мирзиёев “Мангу аланга” ёдгорлиги пойига гул қўйди.
Ўзбекистон Президентига “Шаҳидлар хиёбони” тарихи, Боку шаҳрида амалга оширилаётган қурилиш ва ободонлаштириш ишлари ҳақида маълумот берилди.
Шавкат Мирзиёев рафиқаси Зироатхон Мирзиёева билан бирга Фахрий хиёбонга ташриф буюриб, Озарбайжон етакчиси Ҳайдар Алиев хотирасига ҳурмат бажо келтирди. Шавкат Мирзиёев Ҳайдар Алиев ҳайкали пойига гул қўйди.
Шунингдек, олим-офталмолог академик Зарифа Алиева, атоқли давлат арбоби Азиз Алиев ва таниқли шифокор-олим Тамерлан Алиевлар қабрига ҳам гуллар қўйилди.