Миср археологлари 3 минг йиллик шаҳарни тиклади
Шаҳар Тутанхамон қабридан кейинги энг йирик археологик кашфиёт ҳисобланади.
Мисрда археологлар узоқ йиллик изланишлардан сўнг 3000 йиллик қадимий шаҳарни тўлиқ очиб беришди. Ушбу шаҳар, "Йўқолган олтин шаҳар" деб номланган бўлиб, қадимда олтин қазиб олиш маркази сифатида машҳур бўлган. У Қизил денгиз вилоятининг Марса Алам шаҳридан жануби-ғарбда, Жабал Сукари ҳудуди яқинида жойлашган.
Бу шаҳар 2020 йилда топилган бўлиб, фиръавнлар давридаги энг муҳим кашфиётлардан бири сифатида баҳоланмоқда. У фиръавн Аменхотеп ИИИ ҳукмронлиги даврига (милоддан аввалги тахминан 1391–1353 йиллар) оид бўлиб, тарихчилар уни Тутанхамон қабри топилганидан кейинги энг муҳим археологик ютуқ деб ҳисоблашмоқда.
Тадқиқотчилар шаҳар ўзининг турар-жой бинолари, устахоналари, маъмурий иншоотлари, ибодатхоналари ва ҳаммомлари билан ҳайратланарли даражада яхши сақланиб қолганини таъкидламоқда. Бундан ташқари, улар олтин қазиб олиш учун тўлиқ жиҳозланган кон лагери қолдиқларини ҳам аниқлашган.
Бу кашфиёт Миср тарихининг сирли саҳифаларидан бирини очиб, қадимги цивилизациянинг бой меросини янада чуқурроқ тушунишга имкон яратмоқда.
