16 март куни Москвада Туркия, Россия, Эрон ва Сурия ташқи ишлар вазирлари ўринбосарлари даражасида Сурия бўйича халқаро йиғилиш бўлиб ўтади.
Музокараларда Россия томонидан президентнинг Яқин Шарқ ва Африка бўйича махсус вакили, ташқи ишлар вазири ўринбосари Михаил Богданов, Эрон Ташқи ишлар вазирлигининг сиёсий масалалар бўйича маслаҳатчиси Али Асғар Ҳожи иштирок этади. Туркия делегациясига ташқи ишлар вазири ўринбосари Бурак Акчапар бошчилик қилади. Сурия режими номидан эса Асад ташқи ишлар вазири ўринбосари Айман Сусан иштирок этади.
Москвадаги музокаралар тўрт давлат ташқи ишлар вазирлари учрашувининг дастлабки шартига айланади.
Томонлар айрим масалалар юзасидан фикр алмашадилар, хусусан, ташқи ишлар вазирлари қандай кун тартибида учрашишлари ва ҳамкорликнинг қайси соҳаларини кўриб чиқишлари мумкинлигини муҳокама қиладилар.