АҚШ Яқин Шарққа 5 000 нафар денгиз пиёдаси ва қўшимча ҳарбий кемаларни юборади
Шунингдек, АҚШ денгиз флотининг амфибия жанговар кемаси USS Tripoli ҳам Яқин Шарққа йўналтирилмоқда.
The Wall Street Journal'нинг АҚШ расмийларига таяниб хабар беришича, Пентагон Ҳўрмуз бўғозида Эрон томонидан ҳужумлар кучайиб бораётгани сабабли Яқин Шарққа денгиз пиёдаларининг экспедицион бирлашмаси ва қўшимча жанговар кемаларни йўналтирмоқда.
Пентагон раҳбари Пит Ҳегсет АҚШ Марказий қўмондонлигининг минтақага десант кемалари гуруҳининг бир қисмини ва унга бириктирилган денгиз пиёдалари экспедицион батальонини кўчириш ҳақидаги сўровини маъқуллаган. Бундай бирлашма одатда бир нечта жанговар кема ва тахминан 5000 нафар денгиз пиёдасидан иборат бўлади.
Ҳозирда Японияда жойлашган USS Tripoli АҚШ денгиз флотининг амфибия жанговар кемаси Яқин Шарққа йўналтирилмоқда. Бундай сафар одатда икки ҳафта давом этади.
28 февралда АҚШ-Ироил ва Эрон уруши бошланганидан буён Эрон томонидан юзлаб одамлар ҳалок бўлган, камида 150 америкалик жароҳатланган. Жума куни АҚШ KC-135 ёнилғи қуйиш самолёти қулаганида бортдаги олти нафар аскар ҳалок бўлган. Шу билан уруш бошлангандан бери АҚШ ҳарбийларидан жами 13 нафар ҳалок бўлди.
