Наманганда Нексия ёниб кетди
Вилоят ФВБ ҳодиса тафсилотларини маълум қилди.
Бугун, 2 июнь куни Наманган вилоятида Нексия автомобили ёниб кетди. Ҳолат бўйича вилоят ФВБ маълумот берди.
Хабарда айтилишича, Косонсой-Тўрақўрғон-Мингбулоқ автомобиль йўлининг 44-километрида Тўрақўрғон туманига ҳаракатланиб кетаётган Некция русумли транспорт воситасида қисқа туташув сабаб ёнғин юзага келган.
Ҳодиса оқибатида ҳеч ким тан жароҳати олмаган. ФВБ ходимлари томонидан ёнғин бартараф этилган.
Эслатиб ўтамиз, бундан олдин Наманган вилояти Тўрақўрғон туманида Спарк автомашинаси ёниб кетганди. Оқибатда автомашинанинг салони, матори ва кузови тўлиқ ёниб, зарарланган.
