Наманганда қарз туфайли 10 та автомашина хатланди
Маълумотларга кўра, банк билан тузилган шартнома асосида ажратилган кредит белгиланган муддатда қайтарилмаган.
Наманганда кредитини ўз вақтида қайтармаган жамиятга нисбатан қатъий чоралар кўрилди. Маълумотларга кўра, Агробанк билан тузилган шартнома асосида ажратилган кредит белгиланган муддатда қайтарилмаган. Шу сабабли банк судга мурожаат қилган.
Суд қарздорликни ундириш ҳақида қарор чиқариб, жамият 896 млн сўм қарзни мажбурий тартибда тўлашга мажбур этилди. Ижро варақаси Бюронинг Наманган вилоят бошқармаси АМИБга келиб тушгач, масъуллар ҳаракатларни бошлади.
Ихтиёрий муддатда қарз қопланмагани учун мажбурий ижро чоралари қўлланилди ва натижада жамият тасарруфидаги 10 та автомашина хатланди.
Ҳозирда амалий ишлар давом этмоқда. Агар қарз қисқа фурсатда қопланмаса, ушбу автомашиналар аукцион савдоларига чиқарилиши мумкин.
