Россиялик мухолифатчи Алексей Навалнийнинг жасади онаси Людмилага топширилди. Бу ҳақда унинг матбуот котиби Кира Ярмиш хабар қилди.
“Дафн маросими ҳали олдинда. Ҳукумат маросимни оиласи хоҳлаганидек ва Алексейга муносиб тарзда амалга оширишга халақит берадими ёки йўқми, билмаймиз”, деб ёзган котиб.
Эслатиб ўтамиз, 16 феврал куни Навалний колонияда вафот этганини хабар қилган. Кира Ярмиш сўзларига кўра, Навалний онасига кўрсатилган ўлим ҳақидаги тиббий хулосада унинг ўлими сабаблари табиий экани айтилган.