Нидерландия бош вазири Марк Рютте ўз ҳукуматининг истеъфога чиқишини маълум қилди. Бунга ҳукмрон коалиция ичидаги миграция сиёсатида юз берган келишмовчилик сабаб бўлган.
Рутте мамлакатга бошпана изловчилар оқимини чеклаш бўйича ўтказилган якуний ҳукумат йиғилишидан сўнг истеъфога чиқди.
“Бугун биз, афсуски, келишмовчиликларни енгиб бўлмайди, деган хулосага келдик. Шу сабабдан, мен тез орада бутун ҳукумат номидан қиролга ўз истеъфомни тақдим этаман”, — деб тушунтирди Рутте.
Нидерландияда миграция инқирози ўтган йилнинг август ойида авж олган эди. Сўнгра Тер-Апел шаҳридаги муҳожирларни қабул қилиш марказида жой йўқлиги сабабли 700 га яқин қочқин кўчада қолган. Кейинчалик Амстердам шаҳар кенгаши камида минг нафар бошпана изловчини круиз кемасига вақтинча жойлаштирган.
2022 йил октябрь ойида Европа Кенгашининг Инсон ҳуқуқлари бўйича комиссари Дуня Миятович Нидерландия ҳукуматини зудлик билан мамлакатдаги қочқинларни қабул қилиш шартларини яхшилаш чораларини кўришга чақирди.