Никоҳ уйлари тугатилиши мумкин
Лойиҳа жорий йилнинг 25 июнига қадар муҳокама қилинади.
Вазирлар Маҳкамасининг “Фуқаролик ҳолати далолатномаларини ёзиш органлари фаолиятини янада такомиллаштириш чора-тадбирлари тўғрисида”ги қарори лойиҳасида Ўзбекистоннинг тўртта вилояти ҳамда Тошкент шаҳрида никоҳ уйларини тугатиш кўзда тутилган.
ФҲДЁ бўлимлари Ўзбекистон Республикаси Вазирлар Маҳкамаси билан келишилган ҳолда адлия вазири томонидан ташкил этилиши ва тугатилиши ушбу лойиҳада ўз аксини топган.
Шунингдек, фаолияти тўхтатилиши назарда тутилган Самарқанд, Бухоро, Қашқадарё, Сирдарё вилоятлари ва Тошкент шаҳридаги барча никоҳ уйларидаги штат бирликлари бошқа туман (шаҳар) ФҲДЁ бўлимларига ўтказилмоқда.
Хусусан, ФҲДЁ бўлимларининг ходимлари сонини белгилаш мезонларига ўзгартириш киритилмоқда. Бу фуқаролик ҳолати далолатномаларини экстерриториал тамойил асосида қайд этиш тартиби жорий этилганлигини ҳисобга олиб амалга ошириляпти.
